Ихьтин адет авазва чахъ,
Хъукьвавияр,чеб язва гьахъ!
Гатфар кьиляй живед фуруз,
Вегьеда жив мани лугьуз!
Живер кlватlдай ава адет,
Чи хъукьварихъ хьурай девлет!
Гегьенш чуьллер,живед фурар,
Кьегьял хваяр,кьадай турар!
Гатун чими яргъи йикъар,
Мадни хьурай гзаф йисар!
Авазва чахъ кьакьан дагълар,
Яйлахарни, къацу багълар!
Санани гьич тахьай девлет,
Тек хъукьвариз авай адет!
Жив вегьедай,живед фуруз!
Бубайри чаз турд я лугьуз!
Хъукьварин адет
© Copyright: Марьям Алискерова, 2022
Свидетельство о публикации №122033008001
Свидетельство о публикации №122033008001
Рецензии