Лацу хьана чуьллер тамар,
Булутрини к/евна цавар,
Гагь жив къвазва, гагьни марфар,
Кьуьд ят/а им ,яраб гатфар?!
Кьве агъзурни къанни кьве сан,
Т/егъуьн, дяве парар залан,
Агуднавай вахт гъамни-къан,
Кьуьд ят/а им , яраб гатфар?!
Ийир -тийир хьанва халкьар,
Квахьна бахтни берекатар,
Элкъвенавай белки чархар,
Кьуьд ят/а им ,яраб гатфар?!
Т/ебиатни хьанва сефил,
Билбилрини ч/угвазвач зил,
Мартдин вацра лацу хьан(а) чил,
Кьуьд ят/а им ,яраб гатфар?!
Чи агъа тир чилерин Шагь,
Кьезил ая чи гьар гунагь,
Уьмуьр абад, дуьнья ислягь,
Вахтар тайин ая , Аллагь!
Дяве секин ая ,Аллагь!
.24.03.2022 г.
Вахтар тайин ая, Аллагь!
© Copyright: Фатимат Османова, 2022
Свидетельство о публикации №122032907713
Свидетельство о публикации №122032907713
Рецензии