Нават калі толькі смутак ды боль,
кулі, снарады навокал агністыя —
дыхай вясной, браце, дыхай вясной.
Дыхай вясной, бо інакш нам не выстаяць.
Нават калі кожны дзень - толькі бой,
попел і дым, ды глухая знямога —
ў сэрцы маліся вясновай парой:
"Злітуйся, Божа! Пашлі дапамогу."
Нават калі вецер пахне вайной,
пахне нянавісцю дзікай ды ліхам —
дыхай вясной, толькі дыхай вясной.
Дыхай вясной. Толькі дыхай.
19.03.2022
© Горец
https://instagram.com/sergiy.mel
Па матывах верша Надзеі Кропачкі "Нават калі"
Нават калi толькi смутак ды боль
© Copyright: Сергий Мельянец Горец, 2022
Свидетельство о публикации №122032100016
Свидетельство о публикации №122032100016
Рецензии