Шчыры вожык меў гарбату
Лепшую ў свеце.
Частаваў сваім напоем
Ён заўжды суседзяў.
На сняданак запрашаў ён
Розную жывёлу.
І пасля ўжо звычайна
Крочыў ён у школу.
Падарункі яму неслі
Жыхары лясныя:
Цацкі, посуд і цукеркі,
Рэчы распісныя.
Вожык хутка задаволіў
Кожнага суседа.
І аднойчы ў іх з ваверкай
У ноч была бяседа.
Размаўлялі яны доўга.
Мабыць, па сакрэту.
І аднойчы ўсю гарбату
Раздалі па свету.
Вожык знік пасля раптоўна.
І ніхто не ведаў,
Дзе той вожык. Не іначай
Зноў ён нейдзе снедаў.
малюнак з інтэнэта
Шчыры вожык. На белорусском языке
© Copyright: Оксана Митрощенкова 2, 2022
Свидетельство о публикации №122031606195
Свидетельство о публикации №122031606195
Рецензии