Г1АЛГ1АЙЧЕ Мустафа Ганижев

      Г1АЛГ1АЙЧЕ                Мустафа Ганижев

Лоамена, арена юкъ йоацаш,
Улла хьо са хьамсар Г1алг1айче.
Хеталу б1юхо хьавар волаш,
Наькъаваьнна из г1аша вайча.
Ц1аккъа сона  укх дуне т1а дезац,
Б1юхо се воацаш ваха-лела,
Хьа сийле со лораеш вала.

Дунен т1а гобаьккха воаг1увла,
Хьо юха б1аргаго сатасса.
Со ваьхаваьннав сино оала,
Са сина, б1юхо вар готийсса.
Х1аьта кхычахьа цунна гацар,
Г1алг1айче гуш мара дог дацар.

Наькъа воагар к1аьдлу б1юхо,
Соцалуш хотар цо цхьанега,
Тамашне б1алг1а духьал иха:
«Фу эша хьона, хьа цу дега?»
Цаьхха б1юхос цунга хул дувца,
«Мичай из Г1алг1айче, хьаювца?»

Цунга хаттар даьчох 1индарг1 хул:
Хьахулаш ц1аьхха цох ди хета!
Лоамаш а гучадоалаш бар мул,
Ялсмале гуш, Г1алг1айчех х1аьта.
Духхьал наькъа б1юхо нийсалуш,
Воаг1аш вар из, чехка г1а боахаш.

«Са х1амсар, з1амига, дошо мохк,
Са Нана Г1алг1айче дог хьосташ!
Хьо йоацаш со ма вахувла дукх,
Ч1агаргаш а Салам ца телаш!
Салам-Моршал хилда цу вай даьшта,
Г1алг1ай мохк лорабе лаьттарашта!»

«Харцон дай, шо Дала то1долда,
Г1ибухера къизал д1айоалаш!
Денна дола вахар тоалолда,
Нана Г1алг1айче мукъайоалаш!»
Харцо я хьо Дуне, йоккх Харцо,
Хьога догдаьхар 1авуж къинца!
……                23. 04. 2021 ш.