Таб авунихъ метлеб ава-
Хийирдин таб гунагь туш.
К1анивилихъ себеб ава-
Себебни я иштягь туш.
Ч1ехи яшдин гьуьрмет хвена,
Ктугнава гьахъ лугьун.
Низ герек я, туьгьмет хьана
Пака ам ахмакь лугьун.
Авайвилин гаф агъур я;
Дак1ан жеда лагьайди.
Итимдин мана абур я-
Итим я зав рахайди.
Ужуз къашдиз багьа къакъар
Хьайит1а лап гуьзел я.
Эгер ят1а бегьем уст1ар-
Ам виридан мецел я.
Къаш къакъарай акъатайт1а,
Усалвиляй пуч жеда.
Ам яргъариз акъатайт1а,
Хабар тушир гуж жеда.
Гьардаз вичин к1вал хъсан я-
Жув виридан агъа яз.
Са к1ус кьван гьалал хъсан я,
Лугьудачир лавгъа я.
Са к1ус кьван гьалал хъсан я 31
© Copyright: Магомед Мирзоев Мирзой, 2022
Свидетельство о публикации №122030806149
Свидетельство о публикации №122030806149
Рецензии