(Верш для дзяцей)
З неба падае сняжок -
Быццам пух птушыны,
Мабыць хтосьці незнарок
Распароў пярыну.
Пер’е белае ляціць,
Падае да долу.
Срэбрам шэрань зіхаціць -
Прыгажосць наўкола!
Завіталі птушкі ў сад -
Голадна пярнатым.
Змайстраваў хлапчук Марат
Ім кармушку з татам.
Прылятаюць кожны дзень
Вераб'і, сініцы,
Бо Марат ім корм кладзе.
Ёсць чым пажывіцца!
Лёд на горцы бліскаціць
Клічуць лыжы, санкі...
Снег пад коламі рыпіць,
Бо марозік з ранку.
Надышла зімы пара -
Новы год, каляды...
Лепіць снежкі дзетвара,
Не загнаць дахаты.
Як жа хораша ў двары!-
Бель! Аж вочы рэжа!
Гэта зімачка, сябры,
Пашырае межы!
З неба падае сняжок
© Copyright: Людмила Воронова Супрун, 2022
Свидетельство о публикации №122030201875
Свидетельство о публикации №122030201875
Рецензии