Квахьна югъ-йиф, к1анидахъ ц1игел хьана,
Муьгьуьбатдин азиятар сел хьана,
Хуьряй-хуьруьз, гьарна ишел-хвал ийиз,
Гагь мугьман хьиз, гагьни нуькервал ийиз,
Физва ашукь, дердер ийиз хъуьтуьлар,
Садбуру, гагь язухдай, гуз акьулар.
Рик1 кайибур и дуьньяда пара я;
Лук1 хьайибур гьисерин бейчара я.
Гуьзел ашкъи, гагь дердериз к1ур гана,
Ашукьдин аквада чинай, нур хьана.
Экуь касди кьабулда ам чешне яз,
Нагьакьбурухъ авайди са фитне я...
Ингье кимел ацукьнавай сугьбетиз
Са итимди лугьузва ик1, минетиз:
"Цававайдахъ галтугун вуч хийир я?
Са руш ава чи хуьре, вич къизил я!
Уьтквей, вик1егь адакай ваз паб жеда,
Квахьда гьисер, залан, вири таб жеда.
Чими жеда къул паб авай к1валерин;
Сесер жеда гъвеч1ибурун эверин"
Рик1 кайибур и дуьньяда пара я 26
© Copyright: Магомед Мирзоев Мирзой, 2022
Свидетельство о публикации №122022806388
Свидетельство о публикации №122022806388
Рецензии