АСИ АЬШК Мустафа Ганижев

...     АСИ АЬШК        Мустафа Ганижев
Низ бац са бакъдар ала, дувца,
Аси миха духьал галаш кхийса.
Сенна еза харцо даггара ювца,
Бар уж нийссо цацах къостье лайса.

Селхан Джовхьар волча маршон лаьтта,
Цига наха нохчий бокъо хестъяь.
Ц1аг1волаш боаламах юкъе кхийста,
Молла «нийсхо» ва из, к1ай мож лестъяь.

Цкъа-м хиндар хьона из хала дезар,
Кхалсаг йоаг1аргъяц мож д1а ца йоаккхе.
Мож йоашаш б1арг тоха аьра бийзар,
Жеро хилар наха йийха, дух тохке.

Даьра наха-м нийссадар ма аьлар:
«Аси вай, жерочох, можах ваьлар!»
Селхан сел маршо ювцаш варий хьо,
Тахан полковник, казаки хаьхо.

Сенна еза хьона из дехье-сехье,
Хье сел воккха к1ай аькх а вале.
Даьлац1ара бокъо йохкаш д1ахье,
Молла ва, кашах кур хьакхе волале.

Иштта я г1алг1ай з1амига бокъо,
Казакаш вай массо даьра хуле.
Кхоана дабар ди деш цар мукхо,
Хийла корта божарба са туле.

Сона-м дицлац книжка т1а,
«Баь шери боадонна» да дувцаш.
Казакаш шод етташ букъ т1а,
Вай дай цу лоамара д1акхувлаш.

Вайна сенна деза казакал,
Фу хьалдаккха бохка, уж цунах
Мича баха г1ерта доакъазал,
Цхьаннахьа тем боаца эрхь-нах.
20.01. 2003 ш.