Йисарихъ галаз суьгьбет

Йисар, йисар , гьисабдач за куь кьадар,
Къуьн-къуьневаз санал къекъвей захъ галаз.
Гьахъдакваз лагь , авунат/а за  бизар,
Зун гьазур я ачухдакваз квев рахаз.

 Шадвални- дерт апайнай за квехъ галаз,
Т/имилни туш пудкъад йисан мундатда
Куьн вилик квай зи гъил кьуна рехъ къалаз,
Зунни къулухъ , куь руьгьни таз къуватда,

Зун рази я куьне гайи кьисметдал,
Т/алар ,квалар хьанат/ани алатна.
За рик/яй квез алхишзава , гьурметдал,
Заз чимивал гайи мукьув агатна.

Т/имилни туш, гзафни туш , пудкъад йис,
Бахтлувал я им гьелбетда инсандин.
Хъсан вахтар рик/ел хкин,  негьна пис,
Вафалувал хвена куьне зи чандин!

Ахъайнач гъил,  тунач куьне зун ялгъуз,
Перишан тир вахтундани рик/ къене.
К/анзава заз багъиш ийиз гафар хуш,
Тахьурай  куьн са ч/авузни гьич куьгьне.!

Югъ-къандивай хьуй къуватлу, к/убанни,
Эхтибарна за квел эвел-эхирни.
Вафалувал хуьз алахъа куь мадни,
 Кутадач за садрани квек тахсирни.

Йисар -йисар , захъ ава са т/алабун,
Минет хьурай куь йигинвал зайифра!
К/анзава хьи заз птулрин дад  акун,
Алакьайт/а гьабрихъ галаз танишра!!!

 16.02.2022 г