Муьгьуьбатдин гьижрандикай къаст хьана
Тухузва зун жейран фейи гелери.
Рик1еллачир дердиярни къат хьана
Есирнава азиз рушан вилери.
Шагьвар къекъвей, цуьк алахьай суварал
Ви атирдихъ къекъвезва мягьтел хьана.
Ст1ал-ст1ал авахьзавай цаварай
Накъвар яни, чиг яни им, сел хьана!
Ви гелера къекъвезва фагъир хьана
Гьатна рик1е агъзур хиял, азаб яз.
Заз рекьикай мад агъур фикир хьана,
Югъди-йифди авайди са т1алаб я.
Инсаф ая; тийижир рехъ четин я,
Гагь алатда, гагь дуьзнални алукьда.
Даях хьайи дерди-гьалар секин я;
Гьикьван гагьда кьисметди чун кьулухъда?
Азизди ваз архайинвал дуст жемир;
Са к1ус кьванни хабар хьухь зи гьалдикай.
Чара сувал ширин-ширин суст жемир,
Фагьум ая гъам ч1угвазвай чандикай.
Азизди ваз архайинвал дуст жемир 25
© Copyright: Магомед Мирзоев Мирзой, 2022
Свидетельство о публикации №122021603063
Свидетельство о публикации №122021603063
Рецензии