Слова гэтае ў арэнду
Мы ўзялі з лацінскай мовы.
Стаў замежны рэферэндум
Для бандытаў планам змовы.
Каб была ў краіне згода,
І ніхто ім не пярэчыў,
Рэферэндум той -- нагода
Ўратаваць пасады, рэчы.
Прыйдзеш ты, або не прыйдзеш --
Той працэнт даўно вядомы:
Ён пад сто адсоткаў выйдзе,
Хоць мы ўсе сядзецьмем дома.
Круціць банда сваё кола --
Не гуляй ты з ёю, братка!
Час, калі не да законаў --
Час дзяржаўных беспарадкаў.
З кім ты будзеш абмяркоўваць
Іх заробкі, ці машыны?
Круціць банда цудаў кола --
Вырывае з бедных жылы.
Ты патрэбен ёй, як лекай,
Што ўтрымаў ад ветру колас.
Лепш застанься чалавекам
І ўзрасці ў сабе свой голас.
Надённае
© Copyright: Валерий Познякевич, 2022
Свидетельство о публикации №122021505819
Свидетельство о публикации №122021505819
Рецензии