Ругуд стха дагъдин хуьрер сад хьана,
Ц/ийи -бине аранда мурад хьана ,
Битмишай хуьр т/варц/елдини ад хьана,
Кьегьаларин Ватан я чи Эминхюр
Берекатдин макан я чи Эминхюр!
Яргъи рехъни куьк/вена экв -чирагъар,
Гьар куьчеда ,гьар са к/вале булахар,
Зегьметдалди ийиз жедай дамахар,
Кьегьаларин Ватан я чи Эминхюр,
Берекатдин макан я чи Эминхюр!
Югъ -къандивай гуьрчег жезва, авадан,
Хуьруьн къамат, яшайишни лап хъсан.
Гьуьрметдивди кьабулиз атай мугьман,
Кьегьаларин Ватан я чи Эминхюр,
Берекатрин макан я чи Эминхюр!
Гьар са хуьруьхъ ава вичин тарихар,
Гьар са халкьдихъ вичин игит ,арифар,
Давам ийиз Эминан ирс ,лайихар ,
Кьегьаларин Ватан я чи Эминхюр,
Берекатдин макан я чи Эминхюр!
13.02.2022 г
Чи Эминхюр
© Copyright: Фатимат Османова, 2022
Свидетельство о публикации №122021306450
Свидетельство о публикации №122021306450
Рецензии