Мяцелiца

Нас «Мяцеліца» мяце –
Ў карагод усіх вядзе.

Маюць спрыт, на ногі скоры
Беларускія танцоры.
Поўны, шчуплы, мажны, тонкі –
Утвараюць тупат звонкі.
Верагодна, можа стацца,
Зберагуць сваё мастацтва.

Чалавек, напэўна, трыста
Ў Мінск прыехала артыстаў,
Хто вясёла хоча жыць –
У «Мяцеліцы» кружыць!

Прадаставіў ім прыют
Зноў нямецкі інстытут.
Пазбіраўся тут народ
У мяцельны карагод.

Быццам бы на гэтым балі
Прыгажэйшымі ўсе сталі.
Роўна выпрасталі спінкі
Склалі ручкі, як галінкі.

Цягнуць шыю стромка, гожа.
Усьміхаюцца прыгожа…
Слоў ні ў кога больш няма
Ад такога хараства!

Хто да міласьці ахвочы –
Разбягаюцца тут вочы!
Прыгажэйшыя ва ўсім –
Пані Юля і Васіль!

Сталі боцікі ў рад.
Беларусаў тут атрад!
І прыгожанькія ножкі
Ўсе апрануты ў панчошкі.

Па нядзелях і суботах
У танцораў ножкі ў ботах.
Маладыя лялькі-зьнічкі
Абгарнуліся ў спаднічкі!

Дужа хочацца прыгод,
Як табе пятнаццаць год –
Вельмі малады ўзрост
З фартушочкам «на вырост».

Выбіваюць гукі-зыкі
Самавітыя музыкі.
І гармонікі ў рад.
Гарманістаў тут атрад!

Між музыкамі пасеў
Наш Крукоўскі Аляксей.
Ён сакрэт мастацтва знае –
Тонка музыку стварае.

Правіць скрыпкай жвава, шпарка
Мілавідная Адарка.
Скрыпка грае, скрыпка плача –
Кожны пад яе заскача!

Вось – магутная артыстка,
Мульціінструменталістка.
Перад працай не здалася
Радзівілавая Кася!

У мастацтве проста тыгар
Наш любімы Жаўткоў Ігар.
Ля сцяны стаіць артыст.
То Уладзімір – гарманіст.

Не мінаюць танцаў, скокаў
Гледачы гарачым вокам.
Так, не кіне позірк міма
Прыгажуня Антаніна.
Хоць вялікае сяло –
Сумных твараў Не было!

У танцуючае кола
Выйшаў сёння Сам Мікола!
Сціпла мне сказаць тут нельга –
Дзе Мікола – будзе «Мега»!

У куточку не сядзіцца,
Калі танчыць «Мілавіца».
Выхаванцы гэтай школы
Скачуць фолк як рок-н-ролы!

Хто жыве «у этнастылі»,
Раскрываецца ў кадрылі.
Ёсць сапраўдная тут Школа!
Вучыць Козенка Мікола.

Ў танцы лётае як пцічка
Дарагая Веранічка.
Выцінае гэтак хітра
«Несравненный» Шыпкоў Віктар.

Вось цвіце, нібы вяргіня,
Неглюбчанская Багіня.
Нездарма ў гэтай пары
Пятро Цалка гаспадарыць!

Танчаць файна і здарова.
Побач чуюцца размовы:
«Як яны танцуюць гэтак –
Узлятаюць над паркетам?»
«Не заўважыць мне, калі
Адарвалісь ад зямлі!»

«Паглядзі, журы, пастой,
Як лятаюць над зямлёй!
У барацьбе і напражэньні
Рвуць зямное прыцяжэньне!»

Хлопцы узнялі віхуру,
Як улезлі ў жабску скуру!
Экспрэсіўна, з моцай, сілай
Разгарнулі свае крылы.

Затрымаецца ў вершы
Файны майстар – нумар першы!
Гэты хлопец танчыць хватка –
Выцінае, быццам жабка.

Паміж намі былі феі –
Гэта танцаў карыфеі!
Каб паміж людзьміма быць
Бог ім дасць сто год пражыць!

Ён малы і неспакойны –
Развясёлы дзядзька з Хойнік.
Без таго не можа жыць –
Нават танчыць, калі спіць.

Строі, спеў і проста «чуда»
Падарыла гасцям «Гуда».
Не меў часу на абед
Працавіты камітэт.

Людзі талент свой нясуць
На вышэйшы іх прысуд,
Пільна слухаюць парады
Усіх чальцоў экспертнай рады.

Ў справе хуткі і праворны
Харэограф Юрый Чорны.
Ўсіх вышэй узняла броў
Элегантная Любоў.

Вопыту – гарнец і скрыня
У спадарыні Ірыны.
Традыцыйнае ёй міла,
Але ў песні, ткацтве – сіла!

Маецца ўлада ўся
У Алесіка Лася.
Каб узняць настрой народа,
Яшчэ возьме скрыпку годна.

Падрастуць, напэўна, скора
Нашы юныя танцоры.
За культуру не трывожна –
Дзеці танчаць пераможна!

Мажна выстраіўся ў рад
Частых зорак зоркапад.
Тут з журы ніхто не спорыць –
Гэта – лепшыя танцоры!
Ва ўсмешках многа сонца
Даражэнных пераможцаў!

Пераможцамі ў нас
Пані Надзя і пан Стас.
Мы пісаць карціны сталі
З Мікалая і Натальлі.

Танчыць хто усіх лацвей?
Гэта – Выскварка Сяргей!
Многа зведаў ён дарог
Да шматлікіх перамог.

Ягоныя выхаванцы
Танчаць любанскія танцы.
Ён сабе вярыгу ўзяў,
Паміж канкурсантаў стаў.

Пераможцам кажа штось
Лепшы майстар – Алесь Лось.
Самы ён паважны лектар
Пасярод калег-экспертаў.

Вельмі радасна стаяць,
Ўзнагароды атрымаць.
Будзе час разгледзець дома
Ад «Мяцеліцы» дыпломы.

______
Новы фэст хацелась здужыць.
Хай «Мяцеліца» закружыць!
Каб і ў горад, і ў сяло
Гэта шчасьце прыбыло.

Па малых садках і школах
Станавіцеся у кола!
Нам не жыць у сумаце.
Хай «Мяцеліца» мяце!

#беларусь #фестывальмяцеліца2017 #танцоры #міколакозенка #танцыбеларускія #этнакультура #народнаемастацтва #нашаспадчына #жываякультура #любоўдакультуры #ятанцую #святатанца