КХЬИХЬ!
Илгьамдин кук1ва,
Кьве ч1алаз арха
Хьана кхьизва
Стхади, ваха...
Лезги ч1ал хайи,
Урус ч1ал багьа,
Ч1ал -теснифралди
Хьурай куьн заха!
Амма ак1 кхьихь,
Ч1ал кьуна вине.
Ч1ала,т1арат1 хьиз,
Рик1е гуй лепе!
Амма ак1 кхьихь,
Татуй квез гьайиф
Гафарин къилих ,-
Чи ч1ал туш зайиф!
Амма ак1 кхьихь,
Дидеди аял
Ксурай лайладихъ,-
Кьеп1инин ч1алал.
Амма ак1 кхьихь,
Тежедайвал ттаб.
Тефирвал кхьихь
К1елдайдаз азаб!
Амма ак1 кхьихь,
Кхьинрал фий гьуьрз*!
Запаб хьиз кхьихь-
Гевилда хьуй куьрс!
2003 й.
*Гьуьрз – тамарзу(жажда)
***
© Copyright: Фикрет Хидиров, 2022
Свидетельство о публикации №122020908459
Свидетельство о публикации №122020908459
Рецензии