Хуш атиррин къацу дагълар, квел перишан
ч1имел тахьуй,
Зун амачиз фикир хьана, садни мад
синел тахьуй.
Беневшадал ацукьайла, кьве хад хьтин
чигед ст1ал,
Накъвари хьиз куз хьайит1а, дад-бидад я
мягьтел тахьуй.
К1анидавай яргъа хьунухь, бегьем агъур
т1ал я рик1из,
К1анида зи т1вар кьадайла, чин ч1ур ийиз
энгел тахьуй.
Буьркьуьдаз экв акур ч1авуз, хабар хьана
дуьньядикай;
Жаннат багъдиз гьахьай ч1авуз, бахтунихъ
мад ц1игел тахьуй.
Гьайиф зи бахт, гьафте хьанач; са кьадамди
чан къакъудна,
Гъибетни гьич вягьте тахьай, мад саданни
мецел тахьуй.
Дидедин рик1 куда бегьем, баладал са хер
хьайит1а;
Аллагьди хуьй куь гьарда к1вал, куь к1валера
ишел тахьуй.
К1анидаз т1вар энгел тахьуй 21
© Copyright: Магомед Мирзоев Мирзой, 2022
Свидетельство о публикации №122020904884
Свидетельство о публикации №122020904884
Рецензии