Дзесьці каля вёскі
Заіграў гармонік.
Загучала песьня
Роднае зямлі.
Белыя бярозкі
З нівамі гамоняць --
Сокам сваім веснім
Глечык абнялі.
Прыпеў:
У тваёй хаціне сёння
ладзяцца вячоркі.
Там кадрыль вясёлы
радуе гасцей.
Зоркавы гадзіннік
коціць поўню з лысай горкі,
А ў мяне ля сэрца
позірк твой расце.
Нас з табой злучыла
Полька-весялуха.
Паяднала сэрцы
На мажорны лад.
Я сваёй дзяўчыне
Прашаптаў на вуха:
Выйдзем з хаты ў сенцы,
Пройдземся ля хат.
Прыпеў:
У тваёй хаціне
сёння ладзяцца вячоркі.
Там кадрыль вясёлы
радуе гасцей.
Зоркавы гадзіннік
Коціць поўню з лысай горкі,
А ў мяне ля сэрца
Позірк твой расце.
У маёй дзяўчыны
Стан такі прыгожы,
Што схаваць красы той
Ночка не змагла.
Пацалунак шчыры
Певень патрывожыў.
Луг расу рассыпаў
На яе нагах.
Прыпеў: (паўтор)
15.01.2021
У тваёй хацiне
© Copyright: Валерий Познякевич, 2022
Свидетельство о публикации №122020803431
Свидетельство о публикации №122020803431
Рецензии