Яр, зи мет1ел кьил эцигмир сефилдиз,
Хабар кьамир рик1е авай т1алдикай.
Гъамарив хур ац1анва, за гъафилдиз,
Фикирзава кьилел атай гьалдикай.
Микирдикай загьидарриз пар жеда,
Вири сад я усалбурун кьет1енвал.
Заз чидайт1а, зи ярдиз ик1 т1ар жедай,
Вигьидачир за ашкъидин кемен вал.
Шумудни сад ашкъидин ц1у кайид я,
Гьич садазни бахтуни пай гайид туш.
Шукур Аллагь, зи къастарин шагьид я!
Ят1ани заз са жизви кьван гайид туш.
Хиянатди кун тавурай, туьгьметар
Амукьайдаз къвазда бегьем залан яз.
Къачурт1ани к1ани кьвадар зегьметар,
Ви бахчадай акъуч1арди явшан я.
Т1ак1анвилин есир хьун я хажалат;
Душман хьайи гъибетчидин тай жемир.
Рик1ин гьисер ачух ийиз мукъаят,
Зун фикирдиз атай ч1авуз ц1ай жемир.
Т1вар тахьурай хиянатдин 19
© Copyright: Магомед Мирзоев Мирзой, 2022
Свидетельство о публикации №122020608968
Свидетельство о публикации №122020608968
Рецензии