Йиф яргъи я, аквазвайди са варз я,
Муминанни рик1евайди аяз я.
Авай гьалар, гьик1 ят1ани четин я;
Т1ак1анвилин есирда хьун мумкин я.
Келле агъур фикирривди ац1узва,
Мад сеферда ада вацраз лугьузва...
* * *
Хабар я ваз йикъакайни гуьлуьшан,
Зи дердиниз инсаф ая перишан.
Шагьид я вун гизлемишай сирерин,
Яб це вуна метлебдизни эверин.
Мумкинвилер эллеринни зайиф я,
Гъам-хифетиз зи ярдинни гьайиф я.
Са ишара ая лацу нурарив,
Минет я им т1алабун хьуй гъуцариз;
Белки амай к1еве ава, хер ала.
Ц1игел я зун ярдин чинихъ хъвер алай.
Белки Масан к1вач хана са к1амава,
Белки адан кьисмет гил зи кьамава.
Белки адаз иланди пис кьаснава,
Патаригни куьмекдай са каснавач.
Мад вацрав рахазва 17
© Copyright: Магомед Мирзоев Мирзой, 2022
Свидетельство о публикации №122020503843
Свидетельство о публикации №122020503843
Рецензии