Гьевесдикай к1вал хьайидаз,
Кесибни бул сад я рик1из.
И ачух югъ т1ал хьайидаз,
Муьгьуьбат инад я рик1из.
Им вуч я, заз хьайи зулум?
Хер хьана зи зайиф рик1ел.
К1анидакай хьана магьрум;
Низ герек я и югъ гуьзел?
Ашкъидин гьисс бат1ул хьайла
И дуьньяни низ герек я?
Нагьахъвални асул хьайла
Дугъривални низ герек я?
Авам хьайи буьркьуь рик1из
Гатфарни зул сад я чилел.
За яд хъвайи гуьзел гьавиз,
Ийида жал на закай хъел.
Гаф герекнал тур герек туш,
Акьулдихъни гьунар ава.
Сабурдизни зур герек туш,
Гьар са кардиз кьадар ава.
Гьевесдикай к1вал хьайидаз 16
© Copyright: Магомед Мирзоев Мирзой, 2022
Свидетельство о публикации №122012904415
Свидетельство о публикации №122012904415
Рецензии