КърикIуащ

          Гъут Хьэмидби и фэеплъу
          1
Птеухуахуэ усэ стхыну,
Сэ куэд щIауэ къызолъэIу,
Къысхуихуатэм усцIыхуну,
Ар тIо жыIэ сыту езгъэщIт.

ХэпщIыхьами уэ куэд гъащIэм,
КъэбгъэщIар зы мащIэщ,
ЦIыхухэм пфIэфIти уахуэщхьэпэм,
Хэт къолъэIумэ, зэу зыпIэт.

СССР-м и инагъыр -
ЩыIащ уэ къыщомэщIэкI,
Дунейм фIыур пщIэт и пIалъи,
Нартыху бэв къэбгъэкIт.

Зы Iэнэгу димышхыкIами,
Куэду уи хъыбар зэхэсхт,
Радиом, кIэзэтхэм,
ЩIэч имыIэу уи гугъу яшIт.

Республикэм и Iэтащхьэм -
И бжаблэм уихьэрейт,
Ар Мэзкуу щыкIуэнум деж,
Шу гъусэу укъыздищтэрт.

          2
НащэнэфI къызэробэкIым,
Абы къуэш ухуищIт,
Тимборэ фIэтелъыджэт,
Уэ уи Iуэху зехьэкIэр.

Хэт згъэувынур си пIэм? - жиIэу,
Ар къыщаупщIами, куэдрэ зомыIэжьэу
     жэуап ептау щытащ,
Уэ къэбгъэлъэгъуар апхуэдизыуэ
     цIыху хъыжьэти,
СССР-р щылъалъэжым,
Ди республикэр сакъат имыIэу -
     гъуэгу захуэм трищащ.

Уи къэрукIэ къэбгъэкIау -
Нартыху куэд кIуащ къэрал гуэным,
Ахэр жылапхъэфIти -
ЩIэупщIэшхуэ яIэт.

БахъсэныкIэ жылэр махуэт,
Жьыу абы уэ зыщыбужьт,
Хьэсэм псом нэхъапэ укIуэт,
Уи щхьэр унэм къыщыпхьыжыр -
Псори загъэжауэт.

Уи щIыбагъкIэ куэдым жаIэрт,
Уэ у цIыху щэджащэу -
Уи ныбжьыр жыжьэ нэмысау,
Уи гуащIэм, ар кърикIуащ бэяну!

          3
Уэ бгъэува рекордхэм -
Ноби и гугъу ящI,
ЩымыIэжми зэхьэзэхуэу лажьэ,
Куэдым ар я тегъэщIапIэщ.

Гумызагъэм мурад ищIым,
ЕтIысэх имыIэ,
Ноби щIым ележьхэм -
Щапхъэу уэ ураIэщ.

Уи щхьэ ифI -
Зепхуау щытатэм,
Пасэу уэ къулей ухъунт,
Си щхьэ-закъуэ зэи
     жыпIакъым,
ЦIыхухэм хейу
     ухуэлэжьащ.

Щхьэм къихьар сэтыру стхыуэ, -
Сэ куэд щIауэ сыкъокIуэкI,
КъалъэIуар арэзы схуэщIау,
Ди Тхьэ - къыщIэгъэкI.

          4
Ноби гъунэ иралъэнум -
"Гъутым и къуэр" - жаIэ,
Зулъкарней чэнджэщ яритым,
ЩIым ележьхэр-вакIуэ хохьэ.

Хъэджэт деппIа у бынхэр,
Псори уэщхь хъужащ,
Ахэр зэщхьу жыIэдаIуэщ,
ФызэгурыIуэ - зэдэIужти:
     быныфI здэвгъэсащ.

Къалэмыпэм къезмыгъащтэу,
СощIэр куэд къызэрынар,
Сэ сыпсэуэ сыхуэнэсым,
Ахэр псори, сетей сщIынщ.

Зэтефкъузи фи дзэр быдэу,
Гъутхэ уардэуэ зыфIыгъ,
Сытым дежей ирепуд фи сомыр,
Фи адэм ещхьу: ирехъу
     лъапIэ фи щхьэр.
          5
Гуэдзыр хьэмым жьыу нагъэсу -
ЛэжьакIуэфI къыздэлэжьахэр,
Нобэ фIыкIэ сигу къокIыж,
Си щхьэр лъагэу ирислъагъуу.

Ахэм я сэбэпкIэ, къулыкъу щIэкъу
     сыхъуакъым,
Адырейр еслъыту си щхьэм
     цIыху сыкъищIыкIащ,
Былым щIэкъуу сыщытатэм -
Къалэмыр Iумпэм сщIынут, дерс
     ахэм къызатахэм,
ГъуэгуфI сытыришащ.

Къыхэсха "IэщIагъэр" -
ТекIкъым зэи си напщIэм,
ЯгъэщIагъуэу, сфIэфIщ пасалъэ
     къызэхъулIэм,
ЦIыхум, кIэрымылъ кIэрыслъхьэуэ
     си хабзэкъым,
Ауэ хейуэ сщIэмэ-нэхъыфу
     щыIэр изопэсыр...

Уэзыхэ я щIалэр гуузу щыкIуэдам,
Илэжьэгъуу хъуам, гущIыхьэ
     къытщыхъуат,
Марем пщхьэщхьэм ар
     и щхьэм хуэсэкъатэм,
Лъэпощхьэпом: хьэкъыуэ IущIатэкъым.

Абы и кIуэдыкIам сэ сыти хузиIуэхут,
ИтIани схуэмыфащэу жьышхуэ
     къысхуепщат,
Валерэ деж тездзэу занщIэу
     сымыкIуатэм,
Пэж жысIэнщи, IэнатIэншэу
     схуэмыфащэу сыкъэнат?

ЦIыху щэджащэм и фIыщIэкIэ,
Лейишхуэ къыстехьакъым,
Абы кIыхь зимыщIу си "шефым"
     егийящ,
УнафэщIым зэуэ фIы зыкъришэжри -
     завмастерскойуэ адэкIэ сылэжьащ.

Имычэзуэ дунейр мыкIэрэхъуатэм,
Шэч хэмылъу къулыкъуи къызатат,
А сэ сыздэкIуам - акъылыфIэхэм
     гъуэгу яритт,
"Сельхозтехникэр" щыIэжатэм
     унафэщI сыхъуат.

Си суд зыщIэнуэ х у е й я р -
И дунейкIэ гъэщIэгъуэнт,
ТелевизорымкIэ къэпсэлъэн х у е й
     щыхъуам зэгуэр,
А къэлэныр си пшэм къыдильхат.

"Сельхозтехникэм" и напэр -
А махуэм стхьэщIыжащ,
Кхъузанэм изгъэкIа си псалъэхэр
     Къэбэрдейм яхэIуащ.

А зэманым сыхуейякъым -
ЦIыхум я жьэм сыжьдэхуэну,
Сылажьэти сегугъуу си Iэнатэм,
Си жэгъуэгъухэм махуэ къэс
     къахэхъуэт.

Дауэ щымытами Бахъсэн куейм
     сыхуэщхьэпащ,
Бахъсэныпс ефауэ сщIэхэм,
Зэи езгъэкIакъын си зэран.