Фитнедин алкъа

Гьич садазни гуз жез амач рик/ин сир,
Лагьай  са гаф гваз къекъвезва яргъара.
Инсанвал квай инсанарни жезмач чир,
 Ачухай дерт цаз шумудан япара.

Рик/ дар ч/авуз ахъа авур эхтилат,
Ц/ил авуна агакьарда ,кухтуна.
Инсанарни чир тавуна гьакъикъат,
Регъвез жеда къеневай рик/ дак/уна.

Тахсир квачир кас авай туш чилерал,
Ахьтинбуруз малайикар лугьуда.
Кич/езвачни к/валер ч/уриз , фитнедал,
Аллагьдин  вилик  жавабар  гьик/ гуда?

Бязи -бязи дидеярни гьахьзава,
К/уфар туна хцин ,сусан  арада.
Гьикьванбурун бахтарни ацахьзава?
Аруш хьана гьа фитнейрин алкъада.

Инсанар я акур ч/авуз винелай,
Куь фикирдиз гьик/  къвезва а  фитнеяр?
,,Диде ,"- лагьай ваз гьа сифте йикъалай,
Сусар вучиз рекъизва квез, къарияр?

Я луьузвач за жувни са малайик,
Авайди туш гунагь квачир са касни.
Заз кьил   кутаз к/ан туш гьич  а фитнедик,
Жуван хва хьиз багьа я заз, зи свасни.

Язух тушни, свас чарадан руш лугьуз,
Тахсир квачиз  кутаз адак рехнеяр ?
Вучиз куьне чарадан руш   кьаз агъуз,
 Вине кьазва куьне хайи рухваяр?

Зи фикирдай , диде туш ам душман я,
Алахъзавай  свас хцивай чараз кьаз
Ахьтинбуруз лугьуз жедач инсан я, 
Рагъ алай югъ мич/и йизвай т/урфан тваз.