Патахъ хьайи кварцикайни сир жедач,
К1валахарни са-сад вири чир жеда.
Сивел жеда идан-адан, гъибет хьиз,
Сада намус хуьда рушан, гьуьрмет хуьз.
Садан рик1из фитне авун дарман я:
Хвеш акатда, акурлай сад пашман яз.
Гьевескарар фитнединни пара я-
Къеневайди булут хьтин къара я.
Вуч я тахсир куьмек гайи жегьилдин,
Акъвазнавай пашмандаказ, сефилдиз?
"Дугъривал я"- гьик1 лагьайт1ани элди,
Алчах сивел куьлег алач черпелдин.
Кьвечхел меци алазда ам гьар патах:
Аквада ваз халисанни кар патахъ.
Рушал ашукь сад-кьвед авач жегьилни,
Ван хьайит1а, квахьда чпин зигьинни....
Сейдадилай хабар фад агакь хьана.
"Я гьаясуз, им вучтин шандакь хьана?"
Мет-кьил гатаз гьарай физва дидедин-
Гьазур хьана, Масан физва дяведиз.
Сад лагьана вини к1вачиз акъатна,
Хъел атана, кьил кьиликай хкатна.
Муминан гуьгъуьниз, ялавни зур гваз,
Физва стха, ц1ай акъатиз, гапур гваз.
9
© Copyright: Магомед Мирзоев Мирзой, 2022
Свидетельство о публикации №122011504749
Свидетельство о публикации №122011504749
Рецензии