Дагъда югъди-йифди къекъвез,
Цифер кьула к1вал хьана заз.
На яд гайи хъуьрез-хъуьрез
Дуьнья дарискъал хьана заз.
Гьар булахдин яд акунай,
Ви булахдин яд я ширин.
Заз руьгьдин баяд акуна;
Вун зи чан, мурад я, ширин.
Ви абурдал,гьуьрмет алай,
Зун ашукь, гьейран я гуьзел.
Вацрални ви суьрет алай;
Зи рик1 ваз лишан я гуьзел.
Вуч авурай, квахьай кьарай
Муьгьуьбат бейгьуш я, ширин,
Етим рик1из вун я чара;
Заз ви динни хуш я, ширин.
Ви кьулавай гимишд кемер,
Хур агажиз, илисзава.
Кагьраба хьиз, таниш вилер
Югъди-йифди за гьисзава.
И дуьньядин бедбахтвилер,
Ашкъи себеб хьайибур я.
Ваз ахъайзавай и сирер,
Ялавд кьуна кайибур я.
Мумина к1ани рушаз сир ахъайзава 6
© Copyright: Магомед Мирзоев Мирзой, 2022
Свидетельство о публикации №122011108868
Свидетельство о публикации №122011108868
Рецензии