Гьа ик1 йикъар уьмуьрдин физ яд хьана,
Рушан хуьруьз атун мад мурад хьана.
Лазим крар пара ава таъсирдай,
Амма са кар акъатзавач фикирдай.
Виш суалдиз авайди са жаваб я,
Т1ак1ан жаваб гайит1а, ам азаб я.
Шак акатайт1а асланни къуьр жеда,
Гьар са кьадам к1вачерин агъур жеда.
Хиялривди ац1анва рик1 жегьилдин;
Вилерин нур, чинин ранг я сефилдиз.
Гьисериз рик1 муьт1уьгъ авун четин я,
Гагь билбил хьиз рахада, гагь сефил яз.
Гьик1 хабарда, гьик1 лугьуда к1анидаз!
Чунгур куьз я? Ачухда рик1 манидал.
Хьайид жеда, са к1валахар акъатда.
Гьа ик1 жегьил булахд кьилел акъатна.
Сим ч1угуна кьарай квахьай ашукьди,
Рик1ин сирер куз-акъатиз ачухна.
Мумин рушан хуьруьз физва. 5
© Copyright: Магомед Мирзоев Мирзой, 2022
Свидетельство о публикации №122010908007
Свидетельство о публикации №122010908007
Рецензии