Мумина вацраз шикаятзава 4

Цававайдаз зи рик1икай хабар туш,
Анавайди са ялав я, азар туш.

Рик1евайди ашкъидин са шикил я,
Гьикьван тариф авурт1ани т1имил я.

Беневша, яд галукьайла женнетдин,
Бахтлувиляй к1венк1ве жеда кьисметдин.

Са капаллай яд гьисериз бес хьана,
Адакай заз ашкъидин кьефес хьана.

Ашкъидивди хур ац1узва алахьиз,
Хияларни са-сад къвезва акахьиз.

И дуьньядиз, килигайт1а, са багъ я,
Муьгьуьбатни нур гузавай чирагъ я.

Инсанни гьак1 гьисерин са к1ват1ал хьиз
Муьт1уьгъ хьанва ашкъидиз са аял хьиз.

Бахтавар я ашкъидин ц1ай акурди,
Архайин я адан ялав такурди.

Зи экуь дуст, заз дуьнья ик1 ширинай,
Са гуьзелдин шикил ала ви чинал.

Гьар камуниз нурар вигьиз кьилел зи
Нурлу кифер авахьзава къуьнел зи.

Гъам-хажалат кьунва вучиз зи чанди?
Белки тагайт1а разивал жейранди.

Хиял хьанва яргъаравай азизди,
Вирт1едилай ширин тир яд гьавиздин.

Хъвайи шербет къаних ч1авуз нуш хьанай,
Бес вучиз гил адакай бейгьуш хьана.

Зун лук1 хьанва ви ишигълу вилерин,
Батмиш жезва, ван авачиз, эверин.

Зал атайди, яраб имай завал я?
Ашкъиди дерт рик1е гьатнава т1ал яз.

Шаклу ийиз гъамарикай пар хьана,
Заз и ачух дуьньяни лап дар хьана.