И дуьньядал вуч я девлет ?
И суалди ягъурна зун.
Дадмиш авун чилин нямет,
Девлет я им за квез лугьун.
Бязибуру гьисабда пул,
Девлет лугьуз шадвилелди.
Йикъа вишра жедач кагьул,
Къалуриз гьак/ адвилелди.
Яргъи мезни девлетдай кьаз,
Гзаф ава тарифдайбур.
Заз ахьтинбур к/ан туш акваз,
Хуьз тежедай са к/ус сабур.
Садбуру таз кьама ялар,
Цавук т/уб кяз алахъзава.
Шад межлисдал ийиз къалар,
Халкь чпикай икрагьзава.
Вучиз чизвач квез инсанар,
Девлетрални къвадайди хар.
Чун чилерал я мугьманар,
Куьз фикирдиз къвезвач и кар?
И дуьньядал къачуз тежер
Девлет ,чандин сагъламвал я!
Акъвазра куь пехилвилер,
Ч/ехи девлет инсанвал я!
И дуьньядал вуч я девлет
© Copyright: Фатимат Османова, 2022
Свидетельство о публикации №122010301375
Свидетельство о публикации №122010301375
Рецензии
Лап дуьз гафар я, Фатимат ВАХ!!!!
Вун шаирни я, ва гьак1ни ч1ехи философ!
Сельмина Курабекова 03.01.2022 18:11 • Заявить о нарушении
Вун шаирни я, ва гьак1ни ч1ехи философ!
Сельмина Курабекова 03.01.2022 18:11 • Заявить о нарушении
Чан сагърай играми Селминат ВАХ!Ваз зи шиир бегенмиш хьунал зун пара шад я!За кхьизвай гьар са ц/ар за валай чешне къачуз кхьизва!Сагърай зи муаллим!!!
Фатимат Османова 03.01.2022 18:30 Заявить о нарушении
Фатимат Османова 03.01.2022 18:30 Заявить о нарушении