Аман Аллагь, тур такурдаз
Насигьатар герек я жал?
Я тербия, зур такурдаз
Дугъривални куьмек я жал?
Чилерал гъил алтадариз,
Писни хъсан какадариз
Къекъвейдан, дад-бидадариз,
Эхир мурад кепек я жал?
Вичин менфят вине кьуна,
Жемятдин т1вар сиве кьуна,
Файда патал фитне кьуна,
Идаллайди берчек я жал?
Вичелни са гьал тахьайла,
Сиве дуьзгуьн ч1ал тахьайла,
Герекнални лал тахьайла,
Имайни са эркек я жал?
Цава кьуна усал келле,
Чир тахьана кефер, кьибле,
Ахкван тийиз вичин къефле
Им атайди демек я жал?
Аман Аллагь, тур такурдаз
© Copyright: Магомед Мирзоев Мирзой, 2021
Свидетельство о публикации №121122704817
Свидетельство о публикации №121122704817
Рецензии