На вялікім белым блюдзе – смачныя аладачкі.
Сёння мы з табою будзем святкаваць калядачкі.
Пасцялю на стол сурвэтку вышытую макамі.
Пачастую я суседку рознымі прысмакамі.
Што за дзіва: водзіць дзед
Козачку рагатую,
А за імі скача ўслед
Пужала касматае.
Пераапранутыя хлопцы і дзяўчаты.
Каляда, Каляда стукаецца ў хаты.
Калядоўшчыкаў частую смачнымі пампушкамі.
“Адганяйце нечысць злую жартамі, дрындушкамі”.
Зноў мяцеліца гуляе з ветрам за пагоркамі.
Чутна, як гармонь спявае пад начнымі зоркамі.
Што за дзіва: водзіць дзед
Козачку рагатую,
А за імі скача ўслед
Пужала касматае.
Пераапранутыя хлопцы і дзяўчаты.
Каляда, Каляда стукаецца ў хаты.
Каляда
© Copyright: Ольга Любашина Толяронок, 2021
Свидетельство о публикации №121122407869
Свидетельство о публикации №121122407869
Рецензии