Я ў душы пабудую Храм
З белых дрэваў, чырвоных лісьцяў,
Каб настрой мой ніхто не скраў,
Каб ён думкі планеты чысьціў.
Я ў душы пабудую дом:
Стол вялікі з сям'ёю дружнай.
Вечнай кнігі раскрыю том,
Прачытаю малітву сьцюжам.
Прачытаю малітву ўсім,
Каго вера зямлі трымае,
Каб касар росны луг касіў,
Сеяў жыта араты ў маі.
Хто шукае, знайсьці каб змог,
І дайшоў да абранай мэты.
Каб душой не валодаў змрок
І любоўю быў дзень сагрэты.
16.12.2021. Заслаўе
***
© Copyright: Валерий Познякевич, 2021
Свидетельство о публикации №121122000051
Свидетельство о публикации №121122000051
Рецензии