Удар быў моцны.
Удар -- без сведкі.
Няма Рамана --
Ёсьць толькі кветкі.
Святло лампадаў
Хістае цені.
Навокал -- здрада,
Ды кроў на целе.
Даруй нам, браце,
Што мы не ўсталі.
Наш боль у страце --
Мы доўга спалі.
Быў сон трывожны --
Цяпер мы выйшлі.
Ты ў сэрцы кожным --
Ты нам не лішні.
Адкажуць каты
За здзек з народа.
Мы знішчым краты.
Віват, Свабода!
Смерць не параза,
А перамога,
Калі нас разам
Вядзе дарога
Да той Радзімы,
Да той надзеі,
Дзе мы праўдзіва
З ёй лёс раздзелім.
Светлай памяцi Рамана Бандарэнкi
© Copyright: Валерий Познякевич, 2021
Свидетельство о публикации №121122000253
Свидетельство о публикации №121122000253
Рецензии