ВАХАР ДОВШ Мустафа Ганижев
Цхьаккха хьаде хац сона,
Йовсар я со дуне т1а.
Къаракъ пела курваьнна,
Сай эг1баьча укх керта.
Сесаг т1акхоач 1оттарца,
Йижа уллаш сомяьле.
Эхьхета сай дег1аца,
Къайла б1аргар хий даьле.
Фу дергда аз – са Даьла*?
Са декъад дега-керта.
Мичай молх сона яла,
Со кхетаргволаш х1аьта.
Сен бален да ер дуне,
Ший талбаш етташ хина.
Со ванна хад мукъане,
Ший гаргаш дунех йийна.
18. 12. 2021 ш.
Вахар довш мустафа ганижев
© Copyright: Мустафа Ганижев, 2021
Свидетельство о публикации №121121803262
Свидетельство о публикации №121121803262
Рецензии