Вочы твае -- генератар сьвятла:
Магія шчасьця і сонца пяшчоты.
Я ў іх праменьнях згараю да тла
І адчуваю душою іх дотык.
Ведаю, сэрца тваё не маўчыць,
Нават калі паміж намі маўчаньне.
Паберажы для каханьня ключы:
Рыфмаў сваіх і пачуцьцяў гучаньне.
Паберажы для любові настрой --
Стань для вясны яе званай сястрою.
Побач з чаромхаю белай пастой
І не цурайся квяцістага строю.
Проста -- жыві дзеля гэтай вясны
І той надзеі, што мары ўздымае.
І прылятай у паэтавы сны
Разам з птушынаю песьняй у маі.
12.12.2021. Заслаўе
Ю. А
© Copyright: Валерий Познякевич, 2021
Свидетельство о публикации №121121503700
Свидетельство о публикации №121121503700
Рецензии