УимыIэ

Си тхьэмыщкIэгъуэм
        упабжьэуами,
Зэгуэр си Iуэхум
        зиужьыжынщ,
Си Iуатэжыгъуэр и нитIкIэ
        плагъум,
УIэбэм унэмысу -
        ущIегъуэжынщ.

Дэ ди Iыхьлыгъэм
        сэ семыплъатэм,
Чачэу утыкум укъислъэфэнт,
ЦIыхухэр зэхэту
        сыногиятэм,
БжьыщIкIэ имыкIыу
        бжьыгъэу птелъынт.

Музэм куэд щIауэ
        сыщIэхуэлажьэр,
Сакъат имыIэу ар
        зэрыкъабзэрщ,
Абы цIыхунагъэм
        сэ зэи сытришкъым,
Уэ, сыту, хээрып, абы
        ухуэхей.

Мы дунейижьым нэщэнэфI
        и бэщ,
Дэтхэнэр IэпхъуамбэкIэ
        къыпхуэзбжэкIын,
Уэ ухуэхейуэ уопсэу абыхэм,
Хэт мыгъуэм нэхъыфI Шухьиб
        ущIыпсын.

Зи-измэм дикъикIыу -
Адрей-измэм дыщыкIуэм,
Сэ куэдым щхьэкIэ: "еуей" жысIащ,
Ахэр фомытэу зыщыгугъа
        заманым,
ИужькIэ, щымысхьу уз Iей къаритащ.

Дапъуэду хъуами уи мыш
        ушэсауэ,
НобэкIэ Шухьибым уи тIроцэщ,
Сакъ, цIыхугъэншэ,
        зыгуэркIэ укъыщIэхуэм,
УэрщхьэкIэ "еуей" жызыIэн
        уимыIэ.