Дуьнья гьатнай зи гъиле, хва

Фатимат Османова

Хъуьт/уьн юкъуз, экуьн сегьер,
Зи бахтуниз атай бегьер.
Ачухайла вуна вилер,
Дуьнья гьатнай зи гъиле , хва!

Мекьи юкъуз атана рагъ,
Рик/е гьатна цуькверин багъ,
Хайи бала акурла сагъ,
Дуьнья гьатнай зи гъиле , хва.!

Хуьт/уькай заз хьанай гатфар,
Акат хьана шадлу лувар..
Ви вилерай акваз сувар,
Дуьнья гьатнай зи гъиле, хва!

Хьанвачир гьич йисар зи къад,
Жагъай ч/авуз рик/ин мурад.
Къужахда вун кьунамаз мад,
Дуьнья гьатнай зи гъиле , хва!

Яхц/ур кьуьдни, яхц/ур гатфар,
Дегиш хьана зулни -гатар.
Къужахда кьаз къе ви картар,
Дуьнья гьатна зи гъиле , хва!

Аллагьди гуй ваз сагъ тир чан,
Бахтавардиз уьмуьр девран,
Авач валай багьа инсан,
Дуьнья гайи зи гъиле, хва!

5-декабрь 2021 год

Список читателей / Версия для печати / Разместить анонс / Заявить о нарушении

Другие произведения автора Фатимат Османова

Рецензии

Написать рецензию

Лап иер шиир я, Фатимат ВАХ 🌹❤️❤️
Гафарал чан гъанва вуна, абри зи рик1ик хкуьрна чпин къуват.
Зазни ава са хва Руслан.

Зи хва ширин, зи хва масан,
Зи рик1изни багьа Руслан,
Зи мурад я вун заз акун,
Къурез-къуьрез вавди рахун.

Мубаракрай югъ вун хайи,
Вун са рагъ яз я заз гайи,
Ваз Аллагьди гурай яшар -
Виш йисалай пара кьадар!

Вун авай рехъ, вун авай к1вал,
Малаикриз хьурай гьакал,
Такурай ваз гьич рик1ин т1ал,
Дамахзава, зи хва, за вал.

Сельмина Курабекова 27.12.2021 20:16 • Заявить о нарушении

+ добавить замечания

Маншаллагь!!!Аллагьди хуьрай чи рухваяр!!!Аминь я Аллагь!!!Къуй абур чи дамахарни хьуй, чи даяхарни!Селминат вах, чи фикирар сагърай!!

Фатимат Османова 28.12.2021 15:45 Заявить о нарушении

+ добавить замечания

Написать рецензию Написать личное сообщение Другие произведения автора Фатимат Османова