Ви къужахда ч/ехи хьайи бала я зун, азиз Кусар,
Заз гьар жуьре майва гайи бахча я вун, азиз Кусар,
Шагь дагъдилай ч/угур нефес ,гьава я вун ,азиз Кусар,
Зи уьмуьрдин лувар я вун,хайи Ватан ,азиз Кусар!
Ви сергьятра къекъвей вахтар суьгьбет хьана, азиз Кусар,
Ви булахрин къайи ятар шуьрбет хьана, азиз Кусар,
За гьакал яз хуьзва ви т/вар, кьисмет хьана, азиз Кусар,
Зи уьмуьрдин лувар я вун, хайи Ватан, азиз Кусар!
Тамарзлу я зун гъурбатда, дарих я вахъ, азиз Кусар,
Накьварихъни хайи чилин , къаних я вахъ, азиз Кусар,
Хайи Ватан ,тарифда вин,лайих я ваз ,азиз Кусар,
Зи уьмуьрдин лувар я вун, хайи Ватан ,азиз Кусар!
Людмила Фейзулаевадин т/алабуналди кхьейди я.
Азиз Кусар
© Copyright: Фатимат Османова, 2021
Свидетельство о публикации №121112507043
Свидетельство о публикации №121112507043
Рецензии