Сад Аллагьди чаз гайи нур ,чан бажи,
Чи дерди-гьал,куьмек , хатур,чан бажи,
Эвердиз гьай ийиз гьазур ,чан бажи,
Чи рик/ерин лувар, чи масан бажи.
Багъридихъ рик/ кудай инсан ,чан бажи,
Гьар дердинив кьадай дарман ,чан бажи,
Вун гайи Аллагьдиз къурбанд ,чан бажи,
Чи рик/ерин лувар ,чи масан бажи!
Дидединни къачуз гуьгьуьл,чан бажи,
Гафаралди рахаз хъуьтуьл, чан бажи,
Акьулдизни дерин са гьуьл, чан бажи,
Чи рик/ерин лувар , чи масан бажи!
Мециз ширин шекерни,шуьрбет бажи,
Вах стхадиз дуьньядин девлет ,бажи,
Гаф авач ви сабурдиз,къимет бажи,
Чи рик/ерин лувар ,чи масан бажи!
Чан бажи
© Copyright: Фатимат Османова, 2021
Свидетельство о публикации №121112103478
Свидетельство о публикации №121112103478
Рецензии