Дэкалог

               

Калі імкнешся з Богам
                свой шлях зямны прайсці,
Другія далягляды
                пабачыш у жыцці.
Адкрыецца навокал
                Святло і Прыгажосць.
Тады і зразумееш –
                ты ў гэтым свеце госць,
Запрошаны на свята
                Стварыцеля жыцця
І караля над светам
                Быцця і Небыцця,
Які сваёю думкай
                і словам сатварыў
Зямлю, ваду, паветра –
                каб чалавек тут жыў.
Каб гэты “цар прыроды”
                любіў і памнажаў
Усе дары, што Божа
                яму для шчасця даў.
А не знішчаў і шкодзіў
                зямную прыгажосць,
Абараняў ад згубы ўсё,
                што ў свеце ёсць.
Закон спаўняўся Божы
                “ не красці, не забіць”,
А ў радасці й любові
                на гэтым свеце жыць.
Любіць перш-найперш Бога
                і паважаць бацькоў,
І бліжняму таксама
                дарыць сваю любоў.
Не пажадаць чужога
                ні жонкі, ні дабра.
Не быць фальшывым сведкай,
                імкнуцца да Сятла,
Суддзёй быць непадкупным
                перш-найперш да сябе.
Бо ўсё, што ты пасееш –
                вяртаецца табе.
               
          снежань 2017г – красавік 2019г