Буйни абур ваз Аллагьди гана руш,
Безеклухар ваз дидеди гъана руш,
Муьгьуьббатдин ялав чанда цана руш,
Ша , агудин рик/ин сирер Эльмира,
Чи кьведанни михьи гьиссер , Эльмира.
Ви муьгьуьббат заз бегьердин тар жеда,
Ширин шуьрбет авахьзавай нар жеда,
Вакайни заз рик/из к/ани яр жеда,
Ша, агудин рик/ин сирер Эльмира,
Чи кьведанни михьи гьиссер , Эльмира.
Ви муьгьуьббатдикай хьана руш ялав,
Гару хьиз вун гъурай ада зи патав,
Дердеривди гатаз тамир на зи къав,
Ша , агудин рик/ин сирер Эльмира,
Чи кьведанни михьи гьиссер ,Эльмира!
Эльмира
© Copyright: Фатимат Османова, 2021
Свидетельство о публикации №121110807263
Свидетельство о публикации №121110807263
Рецензии