АХЧО ДЕР Мустафа Ганижев

                АХЧО ДЕР                Мустафа Ганижев

Х1анза массанахь кхоач дунен доккхеш*,
Сийлахьа къахетам ахчо хьабу.
Х1анзар сомо а, яхьаш бокъонаш,
Лаьттан, фордан аьли ма тарабу.

Ахча дезаданна хула къут1ба,
Вожаш бартал ший къинах, из хьажо,
Деррига Айламе цхьана хургба,
Х1ара саги б1арг ба ахчан динах.

Ахчо вай дугаш хул т1ем т1а масса,
Атта даха догдоахаш цу белхах.
Саги бокъо хул суде кхи бесса,
В1аьхийча сага, дезача тайпах.

Деррига эцаш, дохкаш да денна,
Хьалуш хул наха, дар доаккх сагагр.
Ахчо дог эт1аду цхьа харцонна,
1адулаш хьона шайт1ана бакъдар.

Ахча да, дийна мелаволчу дувцар,
Ахча доацаш а, безам лохалац,
Иштта хила хьо, сел  даькъаза вар,
Ахчанца хилар, хьа сийле мара яц.

Х1анза массаварг кхеташ ва геттар,
Духьал ше ахча да, паччахь хинна.
Г1ад да саги т1оргац диза хетар,
Ц1аьрмата дегаш хул сел чурдаьнна.
                Доккхеш* -  дикаш, беркат…
                16. 10. 2021 ш.