Заз к/анда хьи хайи чилел,
Куьтягь тежер гатфар хьана.
Заз к/анда хьи дуьньяд винел,
Ислягьвилин лувар хьана.
Заз к/анда хьи гьар са рик/е,
Муьгьуьббатдин рак/ар хьана.
Заз к/анда хьи гьар са ник/е.
Бул бегьердин к/унт/ар хьана.
Заз к/анда хьи инсанарни,
Фитне гвачиз рахаз чидай.
Далудихъ сагъ архаярни,
Мукьва-кьели ,багъри
к/андай.
Заз к/анда хьи дустарни бул,
Рик/ерани садвал аваз.
Гьар са к/вале хьун чими къул,
Вилерайни шадвал акваз.
К/анда валлагь, хъуьрез вилер,
К/ани рик/ер къекъведайла.
Батмишарна четинвилер,
Бахтунин тум вегьедайла.
Заз кlанда хьи
© Copyright: Фатимат Османова, 2021
Свидетельство о публикации №121102506230
Свидетельство о публикации №121102506230
Рецензии