***

УСАДЬБАДА  ЗУЛ
(этюд)

Гад хъифенва,..
Мад атанва зул.
Гатуз панагь хьай ,
Ширесардик квай,
Ц1ай хъийин тийиз,               
Ич1и хьанва  къул.


Багъдавай таран
Серинрик хьайи,
Юкъуз чай хъвайи,
Стол я «кьец1ил»…
Зулун марфади         
Авунва *п1ерц1ил.



Салун наз-нямет:
Афни, серг, чич1ек…
Авунва ару.
Хъуьт1уьн, герек тир,
Кьадар-къар патал,               
Ч1угунва къайгъу.


К1ват1нава чуьхвер,
Жуьреба сорт ичер
Хьанва са харал.
Бегьер алама,
Жугъунд патав гвай
Фрягь жумун тарал…


Ангье,  цлан патав,
Марфад яд аваз, 
Кух квай кьве калуш.
Абур к1вачеллаз,
Салун хулариз,..
Яд гуз,.. ганай т1уш.


Дак1ардик ква зун,               
Къецик къвазва марф
Чиг хьтин хумул.
Усадьбада гьал,
Тавдик кваз зулун,               
Хьанва хуп1 усал.               
 

Агь, зулун фесли,**
Къунши тир гатун,
Тапшуругъ гвай хьиз,
Гала вахъ  атун…
Лугьудач: хуш туш               
Ви вяде - акун…

2021. 10.

*П1ерц1ил - михьиз кьежин,  куьц1ей - кьац1ай гьалдиз атун
**Фесли - йисан ч1ав, мес. гатфар, гад ...