(Фазил Аслановаз)
Агъзур сефер килигна ви кьуьлуьниз,
Ят1ани чи руьгь тух хьанач, ац1анач.
Ви суьгьуьрди ч1угурди хьиз чилиниз,
Сегьнедихъай вил галатнач, ат1анач.
Гьеремда хьиз вун юкьвава ханумрин.
Са вун ава и межлисда ават1а !
Яраб верги ганат1а ваз залумри ?!
Амма гъилер лувар хьиз я гьавада.
Виневат1ан кьавалчивал, шаирвал,
Самбар ят1ан лугьудайбур баядар.
Тек-туьк ава чахъ кьуьлуьнин магьирвал,
Лекьрен саягъ тамамардай устадар.
Гетин дагъдай жагъана са чубандиз,
Ят1а яраб, хуьре авур вердишар,
Лекьрен шараг, к1алуб алай инсандин ?
На сегьнедал дегишнач ви еришар !
Агъзур сефер
© Copyright: Сейфудин Шахпазов, 2021
Свидетельство о публикации №121101208078
Свидетельство о публикации №121101208078
Рецензии