Сёння кожны з нас чакае
Дзень, калі святло пральецца
Над самотным нашым краем,
Каб суцешыць думы, сэрца.
Гэты дзень святочным будзе --
Ён уздыме нашу годнасць.
Мы адчуем, што мы -- людзі,
Што мы дыхаем свабодна.
Колер думак нашых белы
З веры боскай вырастае.
Ён сыноў вітае смелых,
Што супроць рэжыму ўсталі.
Там, сярод мільёнаў сэрцаў --
Сэрца вольнай Беларусі.
Вольны шлях не страціў сэнсу --
Ён сыйсці рэжым прымусіў.
Нават той, хто веру страціў,
Сёння дзень вітае новы.
Сталі мы ўсе сёстры, брацці,
Што ўзгадалі продкаў мову.
Кроч наперад, мой народзе! --
Вер у дзень свайго яднання.
Думай вечна аб Свабодзе:
Думай з вечара да рання.
23.09.2021. Сінкевічы
Дзень калi святло пральецца
© Copyright: Валерий Познякевич, 2021
Свидетельство о публикации №121100604607
Свидетельство о публикации №121100604607
Рецензии