Си тхьэрыIуэщ

Мылъкухэр щызарэпхъуэжым,
Сеплъу сыщытами,
Сэ сфIэкIуэдакъым зырикI,
Си акъылыр зэтесщ!

Абы ныкъусэн имыIэу -
Тэрэзу сиIэхункIэ,
Сыт хуэдэ гугъуехьми:
         Iэмал къыхуэзгъуэтынщ.

ЩIопщыр зэращхьэпэр,
ЦIыху куэдым фIыуэ сщIэми,
Сэ абы семыпхъуэу,
Псалъэм - тескъузэнщ.

ФIэнапIэ къэзмылъыхъуэу,
ТещIапIэ сщIым фIэкIыпIэр,
Нэгъэсауэ адыгэлI
          сыкъищIыкIынщ.

Зыми и губгъэн къэзмыхьым,
Ещхь сыхъужауэ си адэм,
ЦIыхубэм - сахэIуэнщ,.
ТхьэлъапIэм и лIыкIуэм,
Ар ауэ ицIэджэгъуакъым,
ФIыуэ къэзыцIыхухэм -
          бегъымбаруэ ягъэIут.

Дуней мылкукIэ ирикъуа,
ЩымыIэу сыIэтедзэщ,
Сом гуэрхэр си жыпым къывукIэу,
КхъыIэ - сывмыуцIэпI.

Сэ си псэр пытыхункIэ,
Быдэуэ си тхьэрыIуэщ,
Адыгагъэ напIщIэм телъыр, -
СымыщIыну: Iэпэдэгъэлэл.

Колхоз щызэгухьэм, цIыхухэм
           ящIэжыр,
Си адэм и адэр: арэзыу хыхьащ,
Абы игу пыкIа, IэщIэвыщIэр,
ЗыIэрыхьэм ихьэлэлщ.

Дуней былымым зэманкIэ сыхэнми,
Ер си щхьэм кърикIуэнкIэ сыпIейтейкъым,
ЗэрыбкIэ хьэрф тездзэхэм схуетым купщIэ,
Алыгъэщыкур, сомынчэ сыхъункъым.

Iуэхум сыхэгъуазэрэ -
Сытхэу щIэздэм Iущу,
Си адыгэ лъэпкъым
            дамэ сыхуэхъунщ.

Абы лейуэ къытехьам -
Игугъу сщIыну щIэздзм,
Щхьэ зыфIэт цIыхухэм -
Гукъутэ къащыпхунщ.

Сэ сымылIыбыдэтэм,
А темэм сеIусэнтэкъым,
Сызрэсэбийрэ фэбжьышхуэм
             сыкъелъахъэ,
Къэхъуа-къэщIахэм тэрэзу
             игугъу схуэщIтэм,
Си цIэр дыщэ хьэрфкIэ -
             тхыдэм иратхэнт.

Ей агыгэ - махуэ хъун,
Мащэм зыри здепхьэхынукъым,
Зыхэбгъэлъми Iэдэбыгъэ -
Iыхьэншэ - Уэ! - ухъунукъым?!

Уи лъэпкъэгъухэм я Iэсагъым,
Уэ, уримыджэгу,
Уэ ахэр къомыдауэм,
Сэ, суридауэгъукъым...

Сабэ защIэ сэ сыпсэууэ,
Анэдэлъхубзэр хъункъым,
Абы и къулейягъыр -
Си щхьэм и щхьэпэнэщ.
                1998 гъ.