Вуж я шаир, нивай жеда жаваб гуз?
Гъиле къелем яхъ жавабдин паталай.
К/еве тамир келле жуваз азаб гуз,
Кхьиз алахъ, алакьдайвал жувалай.
Жагъида квез и суалдиз жавабни,
Сад авурт/а фикирарни хиялар.
Тежез хьайт/а ийимир са
к/ус табни,
Гьахъсуз лацу чар ийимир
ч/улавар
Бязибуру кьазва хабар завайни,
Ихьтин ц/арар гьик/ къвезва ви бейнидиз?
За лугьузва,-чеб чпелай ,цавайни,
Къвезва гафар зи фикиррин тагьсирдиз.
Шаир ам я, лувар квачиз цавара,
Лув гузвайди кьаз гъетерин ценерни.
Шаир ам я ,муьгьуьббатдин тавара,
Куьк/уьрдайди к/анивилин шемерни.
Манадалди ч/агурдайди Ватанни,
Гъвеч/и вирни зурба гьуьлуьв гекъигиз.
Вичин рик/ тваз безетмишдай инсанни,
Куьгьне тарцел ц/ийи бертер илигиз.
Къван туш шаир, вири хьтин инсан я,
Шадвиликай кхьидайла хъуьрезвай.
Дердиникай рахадайла пашман яз,
Регъвезвай рик/ къене чуькьвез ишезвай.
Вуж я шаир
© Copyright: Фатимат Османова, 2021
Свидетельство о публикации №121092603974
Свидетельство о публикации №121092603974
Рецензии