Геж жеда

Къуръан 23: 99-100 (мана): «Та, абурукай (а мушрикьрикай) садан патав кьиникь атайла, ада лугьуда: «Рабби! Зун элкъуьрна рахкура (дуьньядиз). (99)
Белки за диндар амал ийин, за виликдай тур (иман, Ви эмирар кьилиз акъудун)». Ваъ, эхир (гьич жедач ада тIалабай кар)!(100)»
 

…Бес я, я кас, аси гафар рахамир,
Сад Аллагьди вун хабарсуз явашда.
Ваз гунагьрай жаза тагуз аквамир,
Хажалатди са юкъуз вун кармашда .

…Вилери руьгь рекье турла цаварихъ,
«Уьмуьр» лугьур ахварай вун аватда.
Вил галамаз кIвалерихъни-йикъарихъ,
Гунагькар руьгь бедендивай къакъатда.

Чир хьайила батIул уьмуьр тухвайди,
На лугьуда: «Фенач зун дуьз рекьеваз…»,
Вун тушрни ягьанатиз рахайди -
Физвайдакай Пайгъамбардин (къуй Аллагьдин патай салават ва саламар хьурай вичиз) гелеваз?!.

Гьайиф чIугваз, ви вилера кьеж жеда,
«Зун рахкур…» луз на Халикьдиз эверда.
Хийир авач, а вахтунда геж жеда:
Уьмуьр гузва Аллагьди са сеферда.