Эхир вай хьуй шит ийизвай хабаррин,
Чин чуьхуьрдаз гьуьрметдин са т1вар хьана,
Ч1уру ийизва къайдаяр тапаррив,
Бармакдиз гил ченбердикай пар хьана.
К1валевай к1ат1 буш хьайи са геренда,
Негьякь к1валах вине яни, нукьсандин.
Садбур бегьем тариф ийиз луьк1енда
Ягълу са к1ус къазанмишиз бугьтандив.
Къекъведа пак абур гъана сифетдал,
Къеневай рик1 шайт1анариз к1вал хьана,
Аватда жал ахьтинбур фад къиметдай,
Амалрикай намусдизни т1ал хьана.
Ялтахарихъ агалкьунар хьайит1а:
Пис мисал я, им итимдин чешне туш.
Гьайиф я, гьахъ ягьанатди кайит1а,
Чи зегьметар, чи крар мад вине туш.
Эхир вай хьуй...
© Copyright: Магомед Мирзоев Мирзой, 2021
Свидетельство о публикации №121091905962
Свидетельство о публикации №121091905962
Рецензии