Аллагьди заз гана куьмек

Ахваравай  зун лап ширин ,
Аквазва гьуьл заз са дерин.
Дили лепе гьатна къалда ,
Къаст аваз  зал къвезва, чанда.

Къах хьана зун гьа чкадал,
К/вачер -гъилер хьана
шанк/ал,
Ярхарна зун тик лепеди,
Вичихъ галаз ялна целди.

Хура гьатна зун лепедин,
Акатна цик зи нер, зи чин.
Ийиз жезмач завай гьарай ,
Ат/анава михьиз кьарай.

Акьалтна зун лепед винел,
Акуна заз балк/ан и цел.
Аквазвайди  гьайван я заз,
Ван къвезава инсан рахаз.

Хабар кьазва:-Вучиз инсан,
гьуьле ава  дерин икьван?
Вахкуз жезвач завай жаваб,
Ак/айди хьиз туьтуьна раб.

-Эй инсан ,зун туш гьа
балк/ан,
Мад гьайвандин акъатна ван.
Малайик я ви кьисметдиз,
Ракъурнавай ваз куьмекдиз.

Зурзана зи беденни чан,
Акъат хьана кьуранвай ван.
За минетна:- Язух ша ваз,
Цяй  экъеч/из куьмек це заз.

Уях хьана кьеженаваз ,
Гьелек хьана , ифенаваз.
Куьмек хьана балк/андикай,
Хвена хьи зун т/урфандикай.

Гьахъ я чи халкьдин мисалар,
Алукьда акур ахварар.
Хьанат/ани рик/ зи гьелек,
Аллагьди заз гана куьмек.