Зи веси

Зи рик/и зун ялзава,
Жуван хайи ерийрихъ.
Зи рик/и зун ялзава,
Жуван к/ани багърийрихъ.

Зи рик/и  зун ялзава,
Дустар галай суфрадихъ.
Зи рик/и зун ялзава,
Душманривай далдадихъ.

Зи рик/и зун ялзава,
К/валах ийиз ник/ериз.
Зи рик/и зун ялзава ,
Туьмер ийиз цуьквериз.

Зи рик/и зун ялзава,
Виринриз лап гьевесдал.
Вични гзаф шадзава,
Катиз гьелек нефесдал.

Гьа ик/ дуьнья гьалзава,
Чна  катиз- калтугиз.
Са къуз рик/и къалзава,
Жезмач нефес акъудиз.

Гила рик/и ялзава ,
Виридавай къакъудиз.
Гьавиляй заз к/анзава,
Жуван веси агудиз.

Инсанар я  садазни ,
Кьилел къведай кар чизвач.
Фена хквез салазни ,
Агакьуник умуд квач.

Ажал эхир кьисмет я ,
Сурни чи к/вал эбедди.
Амукьдайди гьуьрмет я,
Веси хьуй зи ,эвелдин .

Кьулухъзава хиялар ,
За вахтарни элкъуьриз.
Веси хьуй квез аялар ,
Вегьемир  зун хъуьруьнриз.

Чизвач  заз гьихьтин ажал ,
Сад Аллагьди кьисметда...
Веси хьуй квез , хьухь къвалал,
Зи руьгьди куьн гуьзетда ...

Рик/ел хкваш хъсанвал ,
Гунагьсуз кас авай туш.
Ч/угур зегьмет гьалалвал,
Гузва  за квез рик/ив хуш.

Ишехьмир гьич садни захъ,
Дуьнья я къвез хъфизвай .
Сабурлувал к/евиз яхъ ,.
Гъилер кьуна рекъизвай.

Кьилихъ к/елна ясинар ,
Булдиз кафан алчуда.
Руьгь авуна кьезилар ,
Адет тирвал кучуда.

Веси хьуй квез гьамиша, ,
Хьухь балаяр хатурлу.
Гуьгьуьл кьачуз саймиша ,
Инсанар хьухь абурлу.

Гъайи луьткве саламат ,
Агакьара сурални.
Амукьзавай аманат.
Сефил тамир зи къванни.

Кьейитlани чилерал,
Лугьуда руьгь амукьда.
К/анибурун къуьнерал ,
Лиф хьана  зун ацукьда.